LU SCARPARU TE LU TIAULU di Franco Candido

Cap. I (parte A)

I

QUANNU LU SIGNORE E SAN PIETRU FICIRA VISITA A MESCIU GIUANNE

Nc’era na fiata, a tiempi antichi, San Pietru e lu Signore ca cìane girannu pe’ le case cu se rendane contu te ce pinsàne e te ce facìane li cristiani e se campàne veramente secondu li teice comandamenti. Nu bellu giurnu te agostu, sutta nu sule ca spaccà puru le petre, tutti sutati e squaiati, senza mancu acqua cu bìane, caminannu annanzi alla ripa te lu mare, pete nanzi pete, se truara a passare te Otrantu, la famosa città te li ottucentu martiri, ca pe’ tittèriu te li cchiù famosi condottieri te l’antichità ìane saputu cu risìstane alli mussulmani cchiù ndiaulati e cu testimoniane la fede cristiana cu lu martiriu. Te quiddhru ca ticìane le anime ca trasìane an Paratisu, li otrantini innìane lu megliu ogliu e lu cchiù friscu pisce, ma quiddhru ca era cchiù importante innìane puru mieru bonu, ca nu se ne truà filu te ddri tiempi mancu cu se tica missa.

Intra la Otrantu ecchia, a retu na curte nu picchi cchiù scusa, nc’era nu scarparu ca, quannu stìa an sé, ddinchià cu lu martiedru te la sira alla matina, senza mai se ferma, ma quannu se mbriacà cia catennu pe’ lu sonnu e nu cumbinà nienzi pe’ tutta la ciurnata. Muglierasa la Maria, na santa cristiana, ogni tantu cia lu chiama, trimulannu, ca sapìa lu carattere furiosu ca tinìa, lu cutulà, lu scutulà, li crità intra le ricchie cu se azza, cu se mmanicia, ma quiddhru nienzi, se girà te l’aura parte e cruffulà; e cchiui muglierasa lu crità e ncignà pretica, cchiui iddhru cumincià se acita e cu castima e cu decia fastidiu a tuttu lu calendariu te lu Paratisu. Però, Mesciu Giuanne era lu megliu scarparu te Otrantu e puru quiddhru ca facìa la festa alli Santi Martiri e perciò, San Pietru, ca a furia cu camina ia cunsumati li sandali ca tinìa, tisse allu Signore ca facìane bonu se fermane a casa soa cu li conza li sandali e puru lu spiritu ca, a quantu se ticìa, tinìa lu megliu mieru.

(continua crai)

Advertisements

One thought on “LU SCARPARU TE LU TIAULU di Franco Candido

  1. Pingback: francocandido.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s