LU SCARPARU TE LU TIAULU di Franco Candido

Cap. XV (Parte A)

QUANNU MESCIU GIUANNE SE NE CIU AN PARATISU

Ìa do’ simàne ca nu se presentàne anime an Paratisu. Prima, nu ìa mai successu na cosa simile ca nu nc’era minutu senza quarchetunu cu sona la campana te la Santa Porta. San Pietru nu nbulìa nci cricia ca na cosa simile putìa succetire sutta l’occhi soi; ne cia te la reputazione te custode te le chiai te li posti sacri e te capu primu e unicu te le trasute e te le ammissioni te li beati e de li Santi. Oramai, tìa chiari segni te nervosismu in pubblicu; cìa e binìa annanzi e arretu, te n’angulu all’auru te l’andhrone principale senza mai se ferma, cu nu passu scattusu e lestu ca nu dìa requie, le manu una intra l’aura arretu alla spaddhra, l’occhi fissi sulle chianche bianche e scintillanti te li stratòni celesti, ca cuardà senza cu le cunta, le subbraciglie bianche tise a croccu, scuru an facce, la barba e li capiddhri nu gnommaru te ammàce, San Pietru, pinsirusu, nu se tia pace.

  • Nu pote éssire! Nu be’ possibile! Ce sta succede? Tici ca ddhri quattru tiauli scansafatìe hane ncignatu ne futtane le anime propriu moi ca imu fattu lu cateschismu nou, cu st’urtimi Papi ca hane fatte tante opere te bene e ca erane già Santi an terra prima se n’egnane ddhra nui? Mah! A quai s’ha chiarire stu misteru!

Lu Signore lu itìa suffrire e se ne dispiacìa. – Pietru miu, nu te acitàre, – li ticìa – mo’ iti ca tuttu se giusta. Ete na cosa passeggera, pensalu comu nu custipu te lu cristianesimu, ca poi, dopu nu pinnulu e nu ticottu cautu, se riprende megliu e cchiù forte te prima.

  • Se la tici tie, Maestru! Te fronte a tie, chieu basciu umilmente la capu e te cercu perdunu, se aggiu tubitatu.

  • Nu nc’é problema, caru Pietru; la sacciu ca faci tuttu pe’ lu bene. Però, secondu mie, te sti tiempi, te serve nu chiutu. Perciò, aggiu tittu a Santa Pacienzia te fazza te scrivàna e cu te tecia na manu ca addhrai ca nu rrii tie te sulu, sicuramente iti riuscire per forza a ddoi.

  • Grazie Maestru! – rispuse iddhru nginucchiuni e sciu fazza lu dovere sou cu Santa Pacienzia.

Ma la curiosità era forte. Lu Paratisu tinìa nu purtune cranne cranne ca se putìa aprire su do’ ante pe’ le occasioni te cranne ccota te anime, comu capità a tiempi te persecuzioni e de martiriu. Quannu nc’era anticamera normale, invece, San Pietru facìa tràsane le anime te lu portoncinu te serviziu ca iddhru apria cu le do’ chiai ca tinìa sempre ttaccate a nu curdune ca li mpinnìa te la tunica, bianca e lucente comu la barba e li capiddhri, e ca nfilà una dopu l’aura intra le serrature te sicurezza, ca inìane unte te ogliu santu, nu paru te fiate alla simana.

Siccomu Santa Pacienzia nu facìa mai nienzi senza cerca cunsigliu a Santa Prudenza, invece cu brapa tuttu te paru e cu bessa a ddhra fore all’incertu, San Pietru cuardàu prima te nu finisceddhru ce sta succetìa sulla spianata annanzi alla trasuta te lu Paratisu; poi, quannu itte ca era tuttu libberu e ca nu nc’era nuddhru squatrone te timoni in agguatu, pronti cu lu scuscinane te mazzate, aprìu tuttu lu portoncinu e bissìu cu nu certuché ca facìa capire te pressa a tutti ci era ca tinìa le chiai te la Santa Porta. Però, mentre se azzà la tunica cu tutte e doi le manu cu nu li ccappa intra li pierni unti te ogliu santu, itte comu sia na mmossa strana cu la cuta te l’occhiu, comu na manu ca te retu all’angulu te lu parite te recinzione facìa segnu a quarchetunu cu bacia te ddhrai.

Na quarche preoccupazione ncignàu lu piglia ca la guerra eterna ca nc’ìa sempre stata tra nfiernu e Paratisu, fra male e bene, lu cunsiglià megliu stecia attentu; la curiosità, però, lu futtìa ca ulìa cu risolva ddhru misteru ca sta lu mbilinà ìa già quarche simana. Perciò, fice segnu a Santa Pacienza cu piglia a consegna la custodia te la Santa Porta e scìu cu bicia cittu cittu cu Santa Prudenza ce nc’era arretu allu parite. Se nfacciàu chianu chianu te retu l’angulu e pe’ picchi nu li inne toccu: te nanzi all’occhi soi, siccu siccu, ma sicuru e sfrontatu comu sulamente iddhru putìa éssire, Mesciu Giuanne facìa segnu a na prucissione te anime cu se nfilane intra nu saccu, ca parìa spunnatu pe’ quantu ìa dintatu cranne, ca le anime s’ìane prima purgare lu spiritu se ulìane trasane an Paratisu. Pe’ stu motivo, sullu saccu, ìa scrittu “Purgatoriu”, s’ìa misu nu cappieddhru an capu cu la visiera, ca parìa nu custode, e facìa segnu a ci passà cu trasa a ddhra intra.

(continua crai o nu giurnu te quisti quai)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s