LU SCARPARU TE LU TIAULU di Franco Candido

Cap. XIII (Parte A)

QUANNU MESCIU GIUANNE SE PRISINTAU A SAN PIETRU

Mesciu Giuanne passàu l’urtimi anni te la vita soa quetu quetu, tranquillu, annanzi lu focalire, na manta te lana sulle cinucchie, na scialletta sulle spaddhre cu nu se custipa, lu scuzzettu an capu cu nu piglia friddu, la Maria soa ca li purtà ogni tantu lu café te orgiu pe’ na cosa cauta cu lu rianima, e nu menzu quintu te mieru ca se calà te scusi, ca l’ìane tittu ca facìa bene allu core. Ciucà a tressette cu li amici, se facìa na passiggiata cu lu bastone, intra la curte, annanzi a casa, cia alla chiesia se senta missa, se mintìa quarche siminzella sutta li scarpuni se li bisognà e nu se lamintà mai mutu ca ormai la muscia, issennu te lu crattaru, l’ìa fattu bitire, senza se ne ccorga, comu ìa fare cu fazza ntorna fessi li tiauli quannu s’ìa butu prisintare allu nfiernu. Perciò stìa tranquillu. Te salute stìa bonu e quannu rriau l’ura cu se n’àcia mancu se ne ccorse.

Ddhra matina prestu, serai ca nu ìa mancu lucisciutu, intra lu sonnu li parse comu sia ca ìa ntisu nu rumore te catine e quannu mpizzàu ricchia cu capisca megliu te ce se trattà, itte nu timoniu cranne cranne, cu le corne fumanti, li pieti a zocculu te crapune, cu li tienti taglienti comu curtieddhri, cu nu furcune fiammeggiante a na manu e cu nu minaturu comu lu sou all’aura, ca sta ritìa a panza all’aria e ca li ticìa: – Sta te spettu! Sta te spettu! T’aggiu dare nu curpettu! Sbricate ca t’aggiu ggiustare l’osse! Sbrigate!

Ma te l’aura manu te lu liettu, itte puru n’angilu sorridente cu nu mazzu te rose a na manu e nu bastone te ulìa all’aura, ca li facìa segnu cu bacia cu iddhru, ca sta lu spittàne an Paratisu. Lu tiaulu li minà lu furcune an piettu cu ne lu mpizza e cu ne lu porta, ma ogni fiata l’angilu li tia nu corpu te bastone an frunte e li fermà lu furcune e a ddhru tiaulu, pe’ quantu se stizzà, li issìa fumu te lu nasu e de le ricchie. An piettu, però, se sintìa nu pisu e lu core li battìa tantu forte ca li parìa ca ulìa se n’essa te fore.

  • NTU-TÙ! – sintìa intra le ricche. – NTU-TÙ! NTU-TU! TÙ! Tie-te-n’hai-binire! Tie-te-n’hai-binire! – Lu timoniu li ntunà ddhra canzune e l’angilu rispunnìa: – Nu-te-preoccupare! Nu-te-preoccupare! Ceddhri-t’ha-fare-male! Ceddhri-t’ha-fare-male!

Lu timoniu li piglià lu tiscitu crossu te lu pete e ne lu tirà forte forte, ma prontu l’angilu li tia cu lu bastone intra le manu e quiddhru lu lassà. L’angilu lu riparà te ogni periculu, ma lu core an piettu cchiù forte li battìa pe’ la paura.

  • Chiénitene! Chiénitene! Lu nfiernu sta te spetta! – facìa quiddhru. – Nu te preoccupare! – facià ddhr’auru. – Tie osci te n’ieni cu mie an Paratisu.

  • Maria! Maria! – chiamà iddhru, ma muglierasa continuà a cruffulare e nu lu sintìa. – Maria sta me ne portane! Dìscitate! Chiùtame! – ma quiddhra turmia.

  • Ete propriu veru ca quannu mori resti sulu! Se nu bera pe’ sta’angilu ca sta me protegge, stu fessa te timoniu me n’ìa già purtatu!

E ddhru fessa te core ca li zumpa an piettu. Lu rispiru ncignà li manca. Cercàu crita allu timoniu:

  • Atine! Spunna allu nfiernu cchiù sutta ca stai! – ma l’aria li mancà, la uce se perdìa a nu sussurru fiaccu. Li parse ca lu core ìa ncignatu se n’essa te lu razzu; ca ddhru timoniu ne lu sturcia arretu la spaddhra e ca l’angilu lu liberà. Ansimàu na fiata, cu nu suspiru ca li tese nu picchi te tranquillità; rispirau a ucca aperta e li parse ca sta lu spingìane an forza intra nu chiautu, cu lu cuperchiu niuru niuru comu lu craune; cercàu la manu te l’angilu e quiddhru ne la strinse forte e li sorrise, beddhru comu l’amore, luminosu comu lu sule, splendente comu le stelle.

  • Maria! Maria! Sta me n’au! Lu saccu! Ricordate lu minti intra lu chiautu! Lu martieddhru! Li chioi! La tanaglia! Nu te scerrare! Nu te scerrare!

Poi, lu cuperchiu se chiuse, ma l’angilu allu stessu mumentu lu strinse forte forte cu tutte e ddoi le manu, ne lu tiràu te ddhra intra e tutti ddoi ncignara sagliane an cielu, sempre cchiù bauti, finché se truare sulle nule, te nanzi alla porta te lu Paratisu.

  • Tozza! – tisse l’angilu. – Aggiu statu cu tie pe’ tutta la vita e t’aggiu nuttu finu a quai, ma te moi annanzi nci l’ai fare te sulu.

Mesciu Giuanne li fice segnu cu la capu cu lu rincrazia e tuzzàu alla Porta Santa.

(continua crai o nu giurnu te quisti quai)

Advertisements

LU SCARPARU TE LU TIAULU di Franco Candido

Cap. XII (Parte B)

Insomma, Mesciu Giuanne se sintìa intra le osse ca la fine te li giurni soi se bicinà e ca lu giudiziu te lu Signore sta lu spittà a retu all’angulu te la vita ca ìa vissuta cu tantu spregiu te lu periculu e cu tanta passione pe’ le feste te li Santi e puru te quiddhre te li cristiani, cu tantu amore pe’ muglierasa e puru pe’ lu niurumaru ca nu se facìa mai mancare né a casa né alla putea, intra ddhri quattru pariti, a ddhrai ca cìa se mbriaca cu li squartapagnotte te li amici soi.

Oramai ìa ncignatu cu sta litanìa ca ìa quarche annu. Quasi sempre, la matina, la Maria tuccà ne lu mina te lu liettu cu se pozza azzare e siccomu le cicore creste o li pasuli ca s’ìa mangiati la sira ncignàne cu li fermentane an corpu, li purtà puru lu cantaru sutta lu panaru cu scansa ddhra tempesta te traugliu te panza, ca sapìa ca prima o poi s’ìa scatinare, cu tutti li troni, li lampi e le castimite, ca sempre se nfiammane quannu le prime effervescenze te ntrame ncignane cu annunciane ddhru tipu te tempesta rintronante. Poi, se sittà alla banchiteddhra, scuccià li pummitori intra le ticite, li nsimmà cu na pizzicata te sale, ci ciungìa na unzione te ogliu te ulìa te la “chisura te le largure” e se minà a mucca ddhra friseddhra ca era capace cu giusta fra nu sconfortu e nu suspiru; pe’ furtuna, poi, se rianimà cu nu mienzu litru te niurumaru, ca se calà bicchieri dopu bicchieri comu miticina giacché, comu ticiàne li tottori, male nu ne putìa fare se se lu bìane puru li preiti quannu ticìane missa. Poi, se ne cìa alla putea te la chiazza e se pulizzà ddhri quattru sordi ca l’ìane rimasti cu li soliti mbriaconi ca lu spittàne sulla porta, pronti se nquazzane te mieru a spese soi. Ogni giurnu cussine e sempre cussine.

Mesciu Giuanne sta se ruinà la vita sulu cu pensa a ddhru pattu scelleratu ca ìa fattu tanti anni prima cu Mefistofele. S’ìa tantu immesiritu e persu te capu ca quannu se ne turnà a casa mbrazzatu a quarchetunu menu an sé te iddhru, sutta lu sule ca spaccà le petre, se minà sullu mbriacchiu, arretu all’ortu, sutta l’arulu te piru, addhrai ca ìa ccisu te mazzate Setteranfe, e se mintìa a cruffulare finu a quannu nu dicirìa tuttu lu mieru ca s’ìa nfangatu an corpu. Pe’ fatiare ormai nu fatià cchiui, ca s’ìa scerratu puru ce bera lu “tre pieti”, o comu se mintìa na siminzella sutta la sola te li scarpini, ma se sape, dopu trent’anni e passa te ricchezza spunnata ca l’ìane tata ddhri tre timoni, ci ìa statu tantu fessa cu fatìa cu porta nanzi la famiglia, scarpune dopu scarpune, se bastà mina la manu intra lu canisciu cu se inchìa le paute te sordi cu se catta lu pane e lu companaticu? Quannu mintìa lu sule, alla fine, se azzà, cu quarche tolore te capu e se ne cìa annanzi lu focalire cu spafora li urtimi fumi te la mbriacatura. Te na parte era megliu, ca pe’ nu picchi nu pinsà né alli tiauli, né all’angili, né all’aldiquà né all’aldilà, ma dopu quarche menz’ura, magari quannu itìa ca nu taccaru s’ìa ardutu tuttu e sta se spiccià e lu itìa dintare prima crocia, poi craune e alla fine cinnire, li soliti pinsieri li riturnàne a mente, ca paragonà ddhr’asca te ulìa alla fine te la vita soa e ddhre urtime fiammate, ca ardìane e cunsumane lu taccaru, alle fiamme eterne te lu nfiernu ca sta lu spittàne ìe ìe e pronte lu bampane e cu lu brustuliscune, mentre li tiauli lu furceddhràne ritennu a panza all’aria.

Ddhra matina, però, quannu ancora stìa an sé, mentre sta se mangià la solita friseddhra cu lu pummitoru, mentre sta se acà nu mienzu quintu, itte cu la cuta te l’occhiu la capu te la muscia ca se nfaccià te intra lu crattaru te la porta te l’ortu; itte prima li baffi ca se nfilàne te sutta lu cuperchiu te lu craottu, poi la punta te lu nasu e ddhri ddo’ occhi furbi, ancora menzi chiusi te lu sonnu, e pe’ urtima la capu cu le ricchie, a strisce, bianche e niure, comu na zebbra.

  • Miauu! – fice la muscia mentre trasìa ca l’ìa ccappata na stozza te cuta intra lu crattaru. – Miauu! Miauu!

  • Eh, “Miauu!” fessa te na muscia. Iti a ddhru minti la capu se nu boi cappi nferrata intra lu crattaru comu le paioniche! – li critàu iddhru cu na certa aria te commiserazione. – Ce boi, cu mangi? Nah! Pigliate sta sarda e còtite la vita, tie ca poi, ca tie ne tiene sette, no? Armenu, cussì dicune, ca li musci ne tenune sette. Tie quante n’hai cunsumate fine a moi? E certu, ca se quannu trasi te lu crattaru nu te stai attenta, le spicci tutte prestu prestu, comu a mie.

  • Miauu! – fice ntorna la muscia sartannu lesta piglia la sarda a volu, tutta priciata.

Mesciu Giuanne itte la sarda sparire a nu mumentu intra li sanni voraci te la muscia e la cuardàu compiaciutu mentre se liccà li baffi e se lucità li musi.

  • Però! – tisse pinsirusu azzannu la capu te scattu, comu facìa quannu era erde e li inìa a mente quarchetuna te le pinsate soi. – Ddhri baffi longhi ca hane issuti te lu crattaru prima te la capu te la muscia, sta me facune inire na certa idea ca forsi putìa funzionare. Certamente, puru allu nfiernu, nu nci ìa béssire nu purtune? E puru quiddhru nu ha tinire nu crattaru? E ci sape se nu me ne possu issire puru chieu te ddhrai comu ha fattu la muscia? Già! Già… Ci sape se…

Lu mesciu nosciu se azzàu te scattu, pigliàu an mbrazze la muscia e la ncarizzàu.

  • Beddhra la muscia mia! – tisse. – Nah! Mangiate quante sarde oi cu tuttu lu cartocciu, ca tie m’hai fattu bitire la luce issennu te lu crattaru; tie m’hai musciata la strada me n’essu te lu nfiernu e te meriti quistu e auru.

Te ddhru mumentu in poi, Mesciu Giuanne se ripigliau e ncignau cu apprezza ntorna li piaceri te la vita. Continuà se mbriaca, quistu era logicu, ma cu nu certu criteriu, la fatia ncignau li piazza ntorna e, puru ca nu bera cchiui erde e li anni li tinìa antagiati, li parse ca lu futuru nu bera filu cussi niuru come se l’ìa mmaginatu intra la capu soa percé, tante fiate, lu tiaulu ete cchiù bruttu comu lu tingune te comu ete an verità.

  • Eh, Maria mia, – tisse a muglierasa ritennu. – tocca pinsamu lu osci pe’ lu crai. Perciò, moi ca ancora suntu iu, te possu tire quiddhru ca hai fare quannu moriu.

  • Eh, stu fessa! Addhrai sta pensi moi? – fice iddhra tuccannu li cornetti pe’ scongiuru.

  • Sine! Moi ancora suntu a tiempu e te possu spiecare bonu. Allora, quannu moriu, me raccumannu, mintime intra lu chiautu, te coste a mie, lu saccu miu, quattru chioi, lu martieddhru e na tanaglia.

  • Ma nu te mpauri parli te quannu te n’hai scire? E poi ce te n’hai fare te tutte ste cose?

  • Tie nu te preoccupare, fane comu te ticu. E poi, nu chiangire filu pe’ mie, ca addhrai ca aggiu scire, poi stare sicura, suntu l’auri ca tocca se mpaurane te mie e none chieu te iddhri.

Iddhra se fice na risata ca sapìa ce sorta te capu tinìa chieu, me ziccàu la manu, me la strinse forte forte intra le soi e se ssittàu te coste a mie, annanzi allu focalire.

(continua crai o nu giurnu te quisti quai)

LU SCARPARU TE LU TIAULU di Franco Candido

Cap. XII (Parte A)

QUANNU RIAU L’URA TE MESCIU GIUANNE

Dopu tanti anni Mesciu Giuanne s’ìa fattu ecchiu e a nu certu puntu s’ìa bicinata l’ura ca tuccà mòria. La cosa lu preoccupà nu picchi ca te quai sapìa ce nc’era, e ca putìa parare li quai ca cumbinà, ma te ddhrai, se immaginà lu nfiernu iu, tuttu scuru, cu mille spelonche niure niure e chine te tiauli assatanati, ca ulìane se la scuntane pe’ le mazzate ca l’ìa tate iddhru sulla terra e pronti cu li furcuni cu lu nfurceddhrane e cu li fazzane pacàre le pene eterne. Sia ca li itìa li peccatori comu a iddhru intra l’ogliu bollente ca critàne e ca cunfissàne tutti li piccati te lu munnu, puru quiddhri ca nu ìane mai fatti, purchè cu li gliéane te intra ddhri padelloni nfuocati e cranni quantu na chiazza, ma quiddhri cchiui critàne e cchiui nfunnàne intra l’ogliu fumante e intra ddhru tormentu se immaginà puru iddhru, cu la capu te fore, l’ogliu ca li bollìa li musi, le fiamme ca li bruciàne l’occhi e le ricchie, lu fumu ca lu scemunìa e nu ndore te carne bruciata ca li trasìa intra lu nasu, ca poi era la carne soa stessa. Cuardà muglierasa e pinsà a quannu l’ìa tuccàre la lassa sula, la cuardà tritta intra l’occhi e suspirà.

  • Ce bai? – li ticìa iddhra preoccupata, ca lu itìa sempre tuttu pinsirusu e cantunatu intra l’angulu cchiù scusu te lu focalire. – Ce bai? Tieni la salute, tieni li sordi! A ce sta piensi?

Ma iddhru cittu, mancu la sintìa, tantu stìa concentratu cu cuarda lu focu senza cu lu ìcia. Certe sire nu mucìa e nu rucìa, se mintìa le manu sulle ricchie, le razze sulle cinucchie e suspirà; oppuru, se ntreccià le ticite una intra l’aura, comu sia ca ulìa recita lu paternosciu e cutulà la capu te subbra a sutta, te tritta a mancina e sparliggià.

  • Uhé! – facìa ogni tantu la Maria. – Oi me rispunni, armenu? Ca nu picchi te ducazione nci ole puru se oi stai cu li cristiani! E ce diammana!

  • Citta Maria mia, ca tie nu sai! – rispunnìa iddhru. – Nu sai filu ce me spetta mo’ ci moriu. Quiddhri nu sta bitune l’ura cu me spellane iu! Dopu tante mazzate ca l’aggiu tate a tutti ddhri tiauli, lu minimu ca me potune fare ete cu me ttaccane manu e pieti e cu me ne portane strascinuni pe’ tutti li gironi te lu nfiernu cu me binchiane te corpi li tannati e li timoni cchiù fetenti. Pore spaddhre mei, ce me spetta! Ci nc’ete chiu discraziatu te mie sulla facce te la terra? Poru a mie! Cussì giovane e cussì becchiu! Cussì forte e cussì debbule! Cussì riccu e cussì puarieddhru! Ah, quantu ulìa dau ddhru canisciu te sordi ca me tese lu tiaulu pe’ deice anni auri te vita!

  • Eh, stu fessa! Propriu tie sta parli: chiu furbu te l’urpe cchiù becchia; cchiù spiertu te lu “megghiu te Lecce”; cchiù trittu te na mazza te scupa, propiu tie te lamenti? E l’auri ce hane dire? T’ha date tre crazie lu Signore; hai struncuniciati tre timoni cchiù brutti te lu debbitu; m’hai fatta campare pe’ trenta e passa anni intra lu lussu cchiù esageratu; hai fatta ogni annu festa cranne alli Santi Martiri cu le megliu bande e li cchiù cari corpi secchi, hai tatu te mangiare e bire a tanti squartapagnotte comu a tie intra tutte le putei te mieru te lu paise e de lu circondariu e, per la miseria, sta te preoccupi, sta te mangi la capu pe’ ce t’ha succedere allu nfiernu quannu mori? Ma ce te tice lu sensu? E nu pensi strafochi e cu te inchi la entre, ca me pare ca a furia cu nu mangi pe’ li pinsieri nu sulu sta te sparisce la panza, ma puru lu cervieddhru!

  • Eh! Tie hai ragione parli cussì ca si cchiù giovane e piccati nu ne tieni, ma chieu ca aggiu fattu quiddhru ca aggiu fattu, sai ce me sentu?

  • E ce t’hai sintire mai! Ma poi, chieu ticu: ce te ne futti? Quiddhru ca ha statu statu, amme e così sia!

  • None, none! Nu bete cussì facile come te piensi! M’aggiu nventare quarche cosa cu li fazzu tutti fessi, ca chieu nu mbogliu filu cu bau allu nfiernu!

  • Sì? E comu faci? Ticu sine ca si trittu, ma ormai ddhri timoni te canuscune e nu bete filu facile li pigli ntorna pe’ fessi!

  • Già! Ma quarche cosa l’aggiu pinsare, se no sai comu me cumbinane?

(continua crai o nu giurnu te quisti quai)

LU SCARPARU TE LU TIAULU di Franco Candido

Cap. XI (Parte F)

 

  • Te quistu se tratta? – rispusi chieu. – E ce nci ole? L’uccieri oi te paca? Mo’ te li fazzu tare chieu ddhri sordi.

  • Deveru sta dici? Cuarda: se lu scazzamurieddhru riesce me fazza tare arretu li sordi te l’uccieri, me cattu lu scazzamurieddhru tou, lu saccu e tutti li cuarnamenti ca nc’ete te intru. Te tau na cascetta china te sordi e puru quiddhri ca m’ha dare l’uccieri.

  • Ah, sì? Aspetta nu picchi allora! – fici chieu e li tirai nu cauce allu saccu. Poi, critài:

  • Scazzamurieddhru te suttafunnu, nu piacere o te sprufunnu, li sordi e l’uccieri allu cchiù prestu, moi m’hai fare issire lestu! – E sta fiata senza mancu spingu la centra se ntise te intra la mattrabanca: – Eccume! Ce voi?

  • Ci sinti? – tissi chieu. – L’uccieri! – rispuse iddru. Lu massaru sartàu sulla seggia e critàu: -La uce soa ete! La uce soa! – Muglierasa scataveriu ca se itte scuperta; chieu li dimmannai ntorna:

  • Quanti sordi l’hai dare allu massaru?

  • 200 lire!

  • Buciardu! – critàu lu massaru. – 350 me n’hai dare! Ca l’interessi nu voi li cunti?

Allora, chieu ncarrài cchiù forte la centra intra la mattrabanca e iddhru critàu:

  • Aaahhhiii! Sine! 350 lire, nu tuminu te cranu e nu stuppieddhru te bià.

  • Ah! Moi te conzi! Quiddhru era lu pattu. Ete tuttu veru! – approvàu lu massaru. – Ma se lu tinìa te nanzi moi, me ne binchà puru le manu!

  • E de quistu se tratta? – tissi chieu. – Ete nu picchi cchiù difficile, ma se po’ fare. Tocca dimmannu lu scazzamurieddru, però, biciu ce ne pensa.

La Ntonietta se fice bianca e ncignàu tremula come na canna te tramuntana. Chieu bicinai la ricchia allu saccu comu sia ca era na cosa secreta e dissi:

  • Lu scazzamurieddhru tice ca sta cosa se pote fare, ma ca imu stutare la luce e ca stu cristianu pote apparire pe’ nu cchiui te nu minutu.

  • Va bene! Quantu ca li dau nu corpu de mazza! – disse lu massaru. Invece chieu tirai nu cauce allu saccu, fici segnu alla Ntonietta cu cchiùa li scuri te la finescia e dissi a uce auta:

  • Scazzamurieddhru te suttafunnu, nu piacere o te sprufunnu, l’uccieri allu cchiù prestu, moi m’hai fare issire lestu! – E sta fiata prima spingu la centra se ntise comu lu frattieddhru te na porta ca se aprìa: – Scriiii! – ca allu scuru ne parse nu rumore te oltretomba; poi, se ntise comu nu stompu te pieti an terra e lu cuperchiu te la mattrabanca ca se chiutìa ntorna cu nu rumore surdu: – Tumpfff!

  • Luce! – critài chieu. – Apri li scuri! – E tuttu te paru se itte n’umbra ca se ne scappà a mera alla porta e lu massaru ca tìa nu sartu e lu zziccà pe’ coddru.

  • Ecculu! L’uccieri! – critàu cu na uce te tronu. – Mo’, m’hai ccappatu fessa e mo’ m’hai dare li sordi! – Lu massaru li ncuzzittàu ddo’ scaffuni ca pe’ picchi nu li scuddràu la capu.

  • Sine! – Li tisse iddhru cu le manu an capu. – Te tau quiddhru ca voi, basta ca me lassi stare.

  • Mena! Chiuti li scuri! Ca lu minutu ha passatu e alla luce sparisce. – tissi, allora, alla Ntonietta e li tiesi na spinta allu massaru cu lu fazzu traballare. Poi, tissi all’uccieri, cittu cittu, sempre allu scuru: – Mmanisciate! Trasi intra lu saccu! – e quiddhru se scuse tuttu ncucciatu a ddhra intra. Poi, tissi allu massaru: – Settate sulla mattrabanca, sbricate! Ca se no se n’esse lu scazzamurieddru! – e quiddhru se sittàu tantu forte a ddhra subbra ca la menza scasciàu.

  • Ce meraviglie ca face stu’ scazzamurieddru! Ce soddisfazione me dese cu scaffuniciu ddhru malecarne te l’uccieri. – tisse tuttu priciatu lu massaru, sittatu fermu fermu sulla mattrabanca.

  • Beh! Ce ne dici, allora? Moi nci criti?

  • Eccomu se ci criciu! Tocca me lu vindi, non ave nienzi te fare! Nah, Giuanninu! Pigliate sta cascetta te sordi e lassame lu scazzamurieddru!

  • Beh, se propriu lu oi cu tuttu lu core, sta cosa se pote fare. Iti, però, ca moi quiddhru stae intra la mattrabanca e se nu passane armenu do’ giurni cu se ambienta alla casa noa, ete inutile li cerchi cose, ca quiddhru nu parla. Poi, ricordate cu li tiri sempre nu cauce prima li dimmanni le cose e cu dici la filastrocca cu na certa imponenza, se no se face na risata e te piglia pe’ fessa.

  • Sine! Sine! Capii! Piiate li sordi cu tutta la cascetta e lassamelu a quai!

Cussine, me pigliai la cascetta china te sordi e lu saccu cu l’uccieri te intra. Poi, siccomu nu me fità portu tutte ste cose, lu massaru me rricalau puru lu birocciu sou e la Rosetta, la ciuccia ca s’ìa ccattata alla fera, e me ne cii. Quannu rriai a nanzi allu paise, fermai lu birocciu e dimmanai l’uccieri:

  • Ce boi: li cuntu alla massaru ce sta facii cu muglierasa o cu me tai tutti li sordi ca tieni e cu te lassu stare?

  • Te dau li sordi! Te dau li sordi! – Rispuse iddhru cu nu filu te uce, trimulannu, ca s’ìa fattu subbra pe’ la paura.

  • Beh! Mmaniciate, allora, ca chieu su picchi te capu!

Cussine me tese na cascetta te sordi puru iddhru e me ne turnai a casa cu lu birocciu, chinu te li sordi te lu massaru e de quiddhri te l’uccieri. Oramai, ìa ddintatu cchiui riccu te Don Giggi.

(continua crai o nu giurnu te quisti quai)

LU SCARPARU TE LU TIAULU di Franco Candido

Cap. XI (Parte E)

Lu niurumaru era propriu spiritosu e ne lu calammu bicchieri dopu bicchieri comu acqua frisca.

  • Ah, ce bbe’ bonu! – tisse iddru. – Sape propriu comu allu miu! Stu’ scazzamurieddhru ete deveru na potenza.

  • Eh! E nu hai istu nienzi ancora! Per esempiu, ce boi quarche cosa aura pe’ secondu? O t’hai binchiatu già?

  • None! Ce binchiatu? Ca cu la fame ca tengu, me mangiava puru sta mattrabanca cu tuttu lu te intru.

  • Allora, – fici chieu, – vistu ca nimu mangiata carne te porcu, ce ne tici se ne facimu purtare puru nu sangunazzu?

  • Sì, sì! Nci volìa propriu! Carne te porcu cu lu sangunazzu, nci volìa propriu!

E cussi ntorna tissi cu na uce tonante cu me tau na certa importanza:

  • Scazzamurieddhru te suttafunnu, nu piacere o te sprufunnu, nu sangunazzu allu cchiù prestu, moi m’hai fare issire lestu! – ncarrài forte la centra intra lu bucu te la mattrabanca e l’uccieri critàu:

  • Intru lu quatarottu sutta lu focalire! Addhrai l’ave!

  • Mmanisciate, Ntonietta! Cuarda!

La massara pe’ trittu e pe’ stortu pigliàu lu cuatarottu te lu focalire e ne lu presentàu an taula, tantu sapìa già ce nc’era addhra intra. Lu massaru li spustàu la manu spacinziatu e scuperchiàu lu tegame iddhru stessu, te prepotenza:

  • Lu sangunazzu! – critàu cu l’occhi te fore, girannuse versu te mie. – La sapìa ca l’avìa! Ce fenomenu! Ce fenomenu! Mminescianelu Ntonietta! Mena! Ca lu mangiamu ancora caddu!

Cussì lu sangunazzu sparìu te intra li piatti cu nu menzu buttiglione te mieru, ma la Ntonietta nu bose ne ssaggia mancu nu picchi ca, tisse iddhra, tinìa le trame propriu rriutate. Nui, invece, nemmu quasi binchiati, ma ancora nc’era postu pe’ quarche cosa te tuce ntra la panza.

  • Nu bulì na crostata, pe’ casu, a conclusione te stu pranzu? – tissi chieu tuttu cumpiaciutu, ca nu ìa mai mangiatu tantu.

  • Era bonu! – rispuse iddru. – Macari comu a quiddhre ca face la Ntonietta mia, quandu stae te capu.

  • E ce problema nc’ete? Mo’ li tiramu nu cauce allu saccu e beccute e fattu. Anzi, sai ce facimu? Tirannelu tie! Cussì te mpari comu s’ha trattare lu scazzamurieddru.

Tuttu priciautu, lu massaru li tiràu nu cauce allu saccu e critàu: – Uhé, menzu tiaulu, famme essire na crostata allu cchiù prestu!

Naturalmente, nu bissìu nienzi e perciò tissi chieu:

  • Nu hai dire cussì! Hai dire ste precise parole: – “Scazzamurieddhru te suttafunnu, nu piacere o te sprufunnu, na crostata allu cchiù prestu, moi m’hai fare issire lestu!” Oi biti ca mo esse?

A ddhru puntu nfilài ntorna la centra intra lu panaru te l’uccieri e quiddhru critàu cchiù forte te prima.

  • Intru lu stipu cuarda! Intru lu stipu l’ave! – e la massara purtàu an taula puru la crostata profumata.

  • Cose te pacci! Cose te pacci! Stu scazzamurieddhru ete propriu prodigiosu! – fice lu massaru. Poi, me zziccàu lu razzu e me tisse seriu seriu: – Senti Giuanninu, ma stu scazzamurieddhru tou pote fare propriu tuttu tuttu?

  • Sine, allora? Ce prove aure oi?

  • Per esempiu, te pote inchire te sordi?

  • Sine, puru!

  • Pote costringire cu te téciane arretu puru li sordi ca hai mpristati?

  • Sine, puru quiddhri!

  • Allora, me l’hai vindìre! Dimme, quantu voi, ma me l’hai vindìre! Ca tegnu doi-trete animaluni allu paise ca m’ane futtutu li mprestu li sordi e, mo’ lucisce l’annu, e ancora me l’annu dare arretu.

  • Eh, ma lu scazzamurieddhru miu custa caru e cangia patrunu sulu se ne la ticu chieu.

  • Dimme, quantu voi, e non te preoccupare ca se vae comu dicu ieu m’aggiu levare beddhre soddisfazioni cu l’uccieri te lu paise ca nu m’ha pacati mancu l’auniceddhri ca l’aggiu vinduti l’annu passatu.

 

(continua crai o nu giurnu te quisti quai)

LU SCARPARU TE LU TIAULU di Franco Candido

Cap. XI (Parte D)

 

  • Sine! Sine! – rispuse iddru. – Eccomu! Eh, dimme na cosa: Ma deveru stu scazzamurieddhru tou pote fare quarsiasi cosa ca li dici?
  • Nah! Ce te pare ca sta scherzu? Timme, ce desideriu tieni moi? Propriu a stu momentu? Pe’ casu, giustu ca stamu an taula, ulii nu picchi te carne rrustuta, macari te porcu, già pronta e cucinata?

  • Era bonu! – rispuse iddru. – Ca muglierama non ne face mai ca tice ca li ncrisce cu se rrusta annanzi lu focu insieme alla carne.

  • Beh, allora ogni fiata ca lu scazzamurieddhru t’ha fare nu desideriu tocca prima li mpizzi nu cauce te preavvisu e poi cu dici ste parole: Scazzamurieddhru te suttafunnu, nu piacere o te sprufunnu, ddo’ piatti te carne te porcu allu cchiù prestu, moi m’hai fare issire lestu! – e poi li mpizzi n’auru cauce pe’ rincraziamentu, cussì, nah! – Mpizzai n’auru cauce allu saccu e le cose a ddhra intra ficira ntorna nu bellu rumore te scasciatu.

  • Beh! – tisse lu massaru. – E lu porcu a ddhru stae? Non viciu nienzi!

Allora, tiesi n’auru cauce allu saccu e nfilai ntorna la centra intra lu bucu e l’uccieri a ddhra puntu critàu: – Aaahhhiii! Intru lu furnu stae! Intru lu furnu!

  • Ntonietta! – Tisse lu massaru. – Vidi intra lu furnu! Mmanisciate! Vidi se ave lu porcu!

Muglierasa ntassàu, me cuardàu storta, trimulannu comu na canna, e tisse:

  • Maritu miu, possibile ca criti a quiddhru ca tice stu’ fessa? Pote mai esistere lu scazzamurieddru? Quiddhre tutte chiacchiere pe’ li babbati te paise suntu!

  • Beh, – rispuse iddru, – de quai a belvedere ce pocu. Apri lu furnu e vidi se ave lu porcu!

La Ntonietta cutulàu la capu te tritta a mancina, ca sapìa ca lu porcu rustutu nc’era te veru intra lu furnu e ca n’auru porcu, mutu cchiù biu, stìa puru intra la mattrabanca. Perciò, cu nu fazza scoprire ci nc’era a ddhra intra, aprìu lu furnu e finse la cchiù cranne meraviglia:

  • Nah! Cose te pacci! Deveru carne rustuta te porcu ave!

  • Vitisti? Vitisti ce bete forte stu scazzamurieddru? Nnucila! Nnucila ca ne la mangiamu!

E iddhra nnusse li ddo’ piatti ca arduràne te lu largu e ne li mangiammu propriu te custu. Lu massaru se stuciàu li musi alla tuaglia e tisse:

  • Peccatu ca non ave nu picca te vinu, ca oramai l’imu spicciatu. Noh, Ntonietta?

  • Sine! Non ave vinu cchiui!

  • E ce problema nc’ete? Ce boi nu buttiglione te mieru, pe’ casu? Nah, basta ne la ticu allu scazzamurieddhru miu e beccute e fattu! – Tiesi nu cauce allu saccu e dissi:

  • Scazzamurieddhru te suttafunnu, nu piacere o te sprufunnu, nu buttiglione te mieru allu cchiù prestu, moi m’hai fare issire lestu! – ncarrài ntorna la centra intra lu craottu te la mattrabanca e quiddhru critàu:

  • Intru la capasa! Guarda intru la capasa! A ddr’intru l’ave!

Lu massaru tisse a muglierasa: – Mmanisciate, Ntonietta! Apri la capasa e vidi se ave lu vinu!

  • Ma ce voi cu aggìa a ddr’intru? Friseddhre ave e basta! Non sai? – rispuse iddhra sperannu cu la cricia.

  • Beh! Pote éssire, ma tie cuarda lo stessu se l’ave!

La Ntonietta calàu la capu e aprìu la capasa e ntorna se meravigliau:

  • Nah! Non è possibile! – critàu. – Nu buttiglione te vinu ave!

  • Vitisti? E tie ca dicivi ca allu scazzamurieddhru critene li babbati! Portalu ca ne lu bivimu. Portalu!

(continua crai o nu giurnu te quisti quai)