LU SCARPARU TE LU TIAULU di Franco Candido

Cap. XI (Parte C)

  • Nu bete ca m’aggiu scusu. Ete ca cìa tantu sciaccu ca m’aggiu misu a quassubra me ddifriscu nu picchi e m’aggiu durmisciutu. Ca muglierata, ddhra santa cristiana, quannu aggiu tuzzatu alla porta, m’ha dittu ca nu me pote fare trasire, ca tene ordine te maritusa cu nu brapa a ceddhri, e ca pe’ quarsiasi cosa ìa turnare quannu nc’era iddhru. Chieu aggiu capitu ca nu bera cosa cu li cercu mancu pane, puru ca ìa tre giurni ca nu mangià, e me n’aggiu inutu quai cu me ddifriscu. Mo’ tine ce boi, tocca me scusi. Ma comunque, mo’ me ne scinnu te quassubra e me n’au.

  • None, none! Ce te ne vai? Se vide ca sinti nu bravu cristianu e puru lavoratore. Ieu non aggiu mai mandatu nisciunu affamatu te casa mia. E poi, vistu ca senza me canusci hai rispettata cussì bona muglierama e la famiglia mia, a quai tie sinti lu benvenutu e se voi fatichi pe’ mie, te t’au teice sordi allu giurnu, mangiare, turmire e mienzu litru te mieru alla mmane e alla sira, sempre se lu voi.

  • Comu, nu lu vogliu? Lu niurumaru ete pe’ l’omu comu l’acqua pe’ le chiante. Crazie! Crazie! Te oci annanzi cumanna e sarai servitu.

Iddhru me tese la manu e me la strinse forte forte, ca ancora sta me tole, cu chiutimu l’accordu. Poi, tisse: – Beh, allora! Ciamu a casa ca ne mangiamu na cosa ca se tie ae tre giurni ca nu mangi, ieu ae te ieri a sira ca vau a diciunu.

Allora, ne sittammu intra la cucina chieu a tritta, cu lu saccu sutta li pieti, e iddhru a caputaula cu muglierasa ca ne nturnicià tutta premurosa pe’ maritusa.

  • Ce ave cu mangiamu? – disse iddru. – Ntonietta, conza banca ca ieu e stu cristianu sta murimu te fame. Te oci annanzi, lu Giuanninu vole fatia pe’ nui; perciò, trattalu bonu e priparali la stanza te coste alla staddhra, ca addhrai ave puru lu focalire cu se scarfa.

  • Va bene! Tuttu comu voi tie, maritu miu!

  • Beh! Portane quarche cosa, meh! Ca non viciu cchiui pe’ la fame.

La Ntunietta me cuardàu pinsirusa, ca sapìa ca chieu l’ìa ista cu l’uccieri te lu paise e ca l’ìa avvertita te lu finesciu ca sta rria maritusa, ma iddhra fice finta te nienzi e ne purtàu na pignata te fae e de cicore creste, le mminisciàu intra lu piattu e ne prisintàu ddo’ frise te orgiu, menze mpuddrucinate, cu le muddhramu intra la ciotta te le fae.

  • Eh! Ntonietta, quistu ete tuttu? Mancu vinu ave?

  • Ce voi te mie? Ieu sapìa ca rrivavi prima? Se me la ticivi te priparava quarche cosa te meiu!

  • Cuarda sta fessa ce bete fausa! – pinzài chieu ca sapìa ce tinìa scusu intra lu quatarottu e intra la capasa. Allora, sai ce fici? Cutulai lu saccu cu li pieti e quiddhru fice rumore ca le cose ca nc’erane a ddhra intra se tuzzàne una l’aura.

  • Quetu tie! – tissi te scattu e li nturtigliai nu cauce. – Statte quetu!

  • Cu ci l’hai? – me dimmannau lu mmassaru. – Ci teni a ddhru intru?

  • Nu te possu tire! – rispusi chieu seriu seriu. – Ete nu secretu!

  • Eh, no! Non hai fare cussine! Ieu sta te tau cu mangi, cu dormi e cu fatichi e tie, invece, me teni li secreti? None! A casa mia ste cose non l’ha vvire. Moi m’hai dire te ce se tratta!

Lu massaru me parse teveru dispiaciutu, perciò li tissi:

  • Nu bete ca nu mbogliu te ticu ci nc’ete, ma lu fattu ete ca nc’ete unu tantu tristu e pericolosu ca, se nu lu sai cuernare, ete capace te futta tuttu quiddhru ca tieni, mugliere compresa, cu te ttacca le cute te li cavalli e te la ciuccia a treccia e cu te mina intra lu puzzu.

  • Ah, ah, ah! Ma me vidisti bonu quantu suntu? Ca non nci vau mancu intru lu puzzu! Ma poi, ci po’ avire mai cu me fazza fessa cussì facilmente? E ci ave lu temoniu?

Chieu lu cuardài intra l’occhi e li rispusi cittu cittu intra na ricchia:

  • Sinti sicuru ca nu te mpauri? Sinti certu ca sai mantinire lu secretu?

  • Sine! Non te preoccupare! Me poi dire! – fice iddhru ca sapìa ca, te solitu, erane l’auri ca se mpauràne te iddhru e none lu contrariu.

  • Hai quasi ndinatu! A ddhra intra nc’ete nu scazzamurieddru, ca nu bete propriu nu tiaulu, percène ete nu spiritu te seconda classe, ma ete potente quasi quantu a iddru!

  • Uhé, Giuanninu! Ma ce te criti ca sta parli cu nu fessa? Ce scazzamurieddhru e scazzamurieddru, ca quiddhri esistune? Timme ci ave chiùttostu senza faci tante chiacchiere!

  • Ah, nu nci criti? – tissi tuttu risentitu. – Allora, cuarda, nah! Mo’ te fazzu bitire chieu.

Nfilài nu cinthrune intra nu bucu te la mattrabanca e tirai nu cauce allu saccu cu li fazzu fare rumore. Ddhra lampu te centra se nfilau tritta tritta intra lu panaru te l’uccieri ca stìa scusu a ddhra intra e quiddhru critàu:

  • Ahi! Ahi! Aaahhhiii!

  • Minchia! – fice lu massaru. – Deveru nu scazzamurieddhru ave! – se nginucchiau e se fice lu segnu te la cruce none una, ma teice fiate. Chieu lu fici azzàre e li tissi fermu fermu:

  • Hai istu? Mo’ nci me criti?

 

(continua crai o nu giurnu te quisti quai)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s