LU SCARPARU TE LU TIAULU di Franco Candido

Cap IV (Parte A)

QUANNU MEFISTOFELE TURNAU ALLU NFIERNU

SENZA L’ANIMA TE MESCIU GIUANNE

Allu nfiernu, tutti li tiauli sta li spittàne cu li fazzane la festa, ca era usanza ca pe’ ogni anima ca lu messaggeru te Luciferu riuscìa cuatagna, tuttu lu nfiernu ìa celebrare la vittoria cu festeggiamenti te ogni genere: allu tiaulu condottieru inìane tributati li cchiù cranni onori e comu premiu salìa cchiù subbra sulla scala te lu malaffare e Luciferu stessu li rricalà, pe’ na simana sana, tutte le tiaulesse ca riuscìa se ne porta intra l’antru nfernale cu li sistemane la spelonca, lurda senza rimediu, ca pe’ l’occasione, inìa chientulata te tutte le parti cu porta refrigeriu a tiaulu e tiaulesse ca sutàne tutte e sette le camise pe’ l’enorme sforzu cu la pulizzane. Ma Mefistofele turnàu allu nfiernu tuttu struncuniciatu e senza l’anima te Mesciu Giuanne.

Nu te ticu la sconfortu quannu lu ìttira riare te sulu, comu nu cane attutu e cu la cuta muzza ca mancu cchiui se canuscìa ca ìa statu tiaulu, tantu ìa ddintatu manzu e timirusu. Castimite, sputacchiate, smorfie, ci lu tirà te na parte, ci lu spingìa te l’aura, Mefistofele ìa ddintatu a nu minutu lu zimbellu te tutti li gironi nfernali, ca tutti e novanta se l’ìa fatti stracinannuse menzu sciancatu prima cu rria innanzi allu capu te li capitiauli.

  • Meh! – li critàu Luciferu quannu lu itte riare zuppicannu e cu le corne an terra. – Nu n’ìi nùcire l’anima te Mesciu Giuanne? Addrù stae ca ogliu me fazzu propriu quattru risate cu ddhru piezzu te fessa!

  • Eh!… Piezzu te fessa?! – rispuse ddhru poru tiaulu, ca s’ia runciddhratu, annanzi li pieti soi. – Nu bbete fessa no! Anzi se sapii ce m’ha cumbinatu, nu dicii filu cussì!

  • E ce ha pututu cumbinare mai ddhru poru tiscraziatu a nu tiaulu te prima categoria comu a tie?

(continua crai)

LU SCARPARU TE LU TIAULU di Franco Candido

Cap III (Parte D)

Mesciu Giuanne crità e minà corpi a ddhru poru tiaulu ca ìa ddintatu russu russu e chinu te ozzi; crità e minà corpi te minaturu an capu, sulle spaddhre, sulle razze, sulle aluzze, ca siane menze sconate, sull’anche, sulla cuta a rischiu ne la mmuzza. – Ma cuarda e biti stu fessa! Chieu ogliu me n’au e iddhru none! E ca sta me spezza la seggia bona puru! àzzate! àzzate! – e cchiui lu tiaulu crità ca se tulìa e cchiui iddhru ne le tia e cchiui ne li tia e cchiui lu strulicà.

Alla fine, Mefistofele, cu le manu an facce e chiangennu comu nu cuagnone, critàu disperatu.

  • Basta! Basta! Sta mme cciti! Nu ne pozzu cchiui! Lassame stare ca te tau ce boi! Te fazzu riccu! Te tau quanti sordi oi! Te tau teice anni auri te vita! Lassame stare! Nu tieni nu picchi te pietà?

  • Ce bete? Ce bete? Ce hai tittu? – tisse Mesciu Giuanne cu lu minaturu all’aria, prontu li tecia n’auru corpu. – Aggiu ntisu bonu? Hai tittu pe’ casu ca me tai teice anni auri te vita? –

  • Sine! Sine! – rispuse lu tiaulu. – Te tau teice anni auri e puru tutti li sordi ca oi cu faci sempre festa! Te tau quiddhru ca oi, basta ca me lassi stare!

Mesciu Giuanne nu li parse veru e lassau lu minaturu.

  • Ah, moi te conzi! – tisse cu li suturi ca li sculàne te capu pe’ lu sforzu ca ìa fattu lu bìnchia te mazzate. – Mo’ sta ragioni bonu! Sta me piace stu discorsu e perciò te lassu stare. Firma, però! Piglia ddhru quaternu russu e firma! Ca sta fiata lu pattu ha tinire tutti li crismi te la legge e lu contrattu ha béssire scrittu in bella e doppia copia e una me laggiù tinire puru chieu! Nah, firma! Caccia li sordi e poi abbatine e nu te fare bìtire cchiui pe’ teice anni auri!

    (continua crai)

LU SCARPARU TE LU TIAULU

di Franco Candido

Cap III (Parte C)

  • Eh, àzzate!… – tisse Mefistòfele senza se ntisa. – Te pare facile? A quai aggiu ncuddhratu e nu me fitu filu me azzu!

  • Uhé, menzu tiaulu! – critàu Mesciu Giuanne turnannu arretu. – Ma sta me pigli pe’ scemu? Prima tante lampu te storie cu ne sbricamu e mo’ te stai sittatu come nu fessa, commutu commutu, sulla megliu seggia te casa mia?! Azzate e sbricate, nu me fare perdire tiempu! –

  • None, none! – rispuse lu tiaulu cutulànnuse comu nu pacciu sulla seggia. – Nu me fitu filu me azzu! Nah, cuarda! Nah! Puru ca ogliu cu me azzu, nu nci la fazzu! Aggiu ncuddhratu sulla seggia! Aggiu ncuddhratu propriu!

– Fermu! Fermu ca me la sconi tutta! – critàu ntorna Mesciu Giuanne cu le manu intra li capiddhri.

– Quetu, t’aggiu tittu! O te pigliu cu lu minaturu!

  • Ma chieu aggiu ncuddhratu sulla seggia, nu mboi capisci? Aggiu ncuddhratu sulla seggia! Nah, cuarda! Nah! Puru ca ogliu nu me fitu me azzu! – e mentre ticìa cussi zzumpa subbra e sutta, cu tutta la seggia, cu bìcia se se azza.

Mesciu Giuanne, itennu ca la seggia soa inìa maltrattata a ddhru simile motu, nu nci itte cchiui, pigliau lu minaturu e ncignau ne le sona allu timoniu te santa ragione.

  • Nun boi te azzi?! – critàu allu messaggeru te Luciferu, cu lu minaturu ca cia e bbinìa sulla capu te ddhru poru tiaulu. – Nu mboi capisci ca t’hai stare fermu sulla seggia mia? E mo’ te fazzu bitire chieu na cosa!

  • Ahi! Ahi! Lassame stare! – crità Mefistòfele, cu le manu azzàte cu se ripàra comu meglio putìa te ddhra furia scatinata te cristianu e te minaturu: – Lassame stare ca sta mme cciti! –

  • àzzate e sciamune! – crità Mesciu Giuanne, minannu corpi senza senta ragioni, comu n’invasatu. – Nu mbulii me ne porti? Nu mbulii me futti l’anima? Nah, ce te pigli! Auru ca l’anima! Nah! Pigliate quistu! E quistu! E st’auru!

(Continua crai)

 

 

LU SCARPARU TE LU TIAULU di Franco Candido

Cap III (Parte B)

  • Uhé, Mefistofele! – tisse Mesciu Giuanne issennu te sutta le coperte, addhrai ca s’ia scusu cu muglierasa. – Minchia ce sinti puntuale! Nu se pote propriu dire ca me tai armenu nu picca te fitucia.

  • Sbricate, Mesciu scarparu! Nu te perdire an chiacchiere ca sai quantu strada imu fare prima cu rriamu allu nfiernu! – tisse Mefistòfele cu ddhra uce ca parìa ca inìa te suttaterra.

  • Sine, nah! Quantu cu me mintu nu paru te causi e na camisa! Tici ca me n’aggiu binire culinutu?

  • Mena, ca li teice anni ane passati e se ntardamu n’auru picchi lu caputiaulu se la piglia puru cu mie!

  • Sine! La sacciu ca ane passati e perciò sta te spittà! Chieu stau già prontu! Ciamune , Ciamune ! Anzi, sai ce fane? Siccomu ca lu chiaggiu pe’ lu nfiernu ete mutu longu, intantu ca chieu me estu, settate e ddifrisca a ddhra seggia, ca muglierama allu frattiempu ne face nu bellu cafè, ca te lu mmeriti, sulamente pensu a tutti ddhri sordi ca m’hai tati. Maria, mena! Azzate! Piglia la ciucculatera e bba fane lu cafè!

Cussine, mentre ca Mesciu Giuanne se istìa, lu tiaulu se ssittàu tuttu priciatu ca se critìa ca ddhru piglianpauta te cristianu li muscià finarmente lu rispettu ca li spittà, comu messaggeru te Luciferu. Perciò se ccummutàu, se mise l’anca carcuni una subbra l’aura e se bbippe lu café ca li purtau la Maria, trimulannu comu na canna. Quannu spicciàu te bbire, Mesciu Giuanne aprìu la porta e disse:

  • Beh, hai spicciatu? O sta spetti te bbii puru nu mienzu quintu? Azzate e sbricate ca stau prontu chieu; ca se ntardamu poi tici ca ete curpa mia

(continua crai)

LU SCARPARU TE LU TIAULU di Franco Candido

Cap III (Parte A)

QUANNU MEFISTÒFELE TURNAU SE PIGLIA L’ANIMA TE MESCIU GIUANNE

Pe’ deice anni Mesciu Giuanne fice festa cranne alli Santi Martiri a ogni ricorrenza e campau intra nu lussu tantu sfrenatu ca ceddhri ìa mai istu nienzi te simile a tuttu lu paise. Li amici soi nu lu lassàne an pace; Mesciu Giuanne te quai, Mesciu Giuanne te ddhrai, se sperticàne te panegirici pe’ iddhru e pe’ la generosità ca tinìa, pe’ la munificenza ca dimostrà cu tutti, o pe’ la gran possanza, o pe’ la suttapanza o pe’ quanta gente riuscìa cu conza. E iddhru nu ddìa filu a bbìtire ca se stizzà pe’ ddhru parapiglia continuatu. Anzi, cchiui li amici lu chiamàne cu festeggia e cu spenna cu iddhri, cchiui iddhru, appena li itìa rriare, facìa a tutti quattru oe intra lu piattu pe’ li preci. E lu bellu era ca mpristà sordi a tutti e nu li spiccià mai. Insomma, tutti li ulìane nu bene pacciu tantu ca te Mesciu Giuanne ìa ntisu parlare finanche lu re te Napuli.

Muglierasa ìa persu puru lu ìzziu cu pretica e ìa ncignatu lu tratta propriu bonu e cu lu puru ncarizza, quannu stia te capu, tantu ca s’ìa bbituata bìcia la cascia china te sordi. Perciò, te nanzi a Mesciu Giuanne proibìa a tutti cu parlane te risparmiu, tantu sapìa ca se la sira ìa spiacciati tutti li sordi, la matina, senza mancu dica ìnchite, ddhra furmine te cascetta sìa già bellecchina te cuntu sou e pronta binchia le paute te ci n’ìa bisognu. Ca certamente, però, sia iddhra ca Mesciu Giuanne nu putìane parlare te miraculu ca sapìane ce sorta te malecarne stìa arretu a ddhru ncantesimu; sapìane ca prima o poi, li teice anni ìane bbuti passare e ca ddhru giovane s’ia bbutu prisintare, te sicuru, pe’ rispettu te lu pattu ca Mesciu Giuanne ìa firmatu tanti anni arretu.

Cussì, appena scatèra li teice anni, a menzanotte, se ntise nu scoppiu ca fice trimare Mesciu Giuanne cu tuttu lu liettu e senza mancu capisca comu se itte intra casa lu stessu carusu te teice anni prima, autu, beddhru e istutu bonu, sulu ca sta fiata tinìa nu bellu paru te corne, do’ aluzze curte e niure sulle spaddhre e na cuta ancora fumante e tutta nturcigliata.

  • Mesciu Giuanne! – critàu cu na uce te oltretomba, tantu putente ca facìa trimulare puru li pariti. – Mesciu Giuanne! Azzate e secutame! Li teice anni hane scatuti e sta te spettane allu nfiernu tutti li capitiauli cu te fazzàne la festa!

(continua crai)

LU SCARPARU TE LU TIAULU di Franco Candido

Cap II (Parte D)

  • Mah! Me pare na cosa contru legge; però, stau senza na lira; ogliu fazzu la festa e se tie tici ca me tai tutti sti sordi, sai ce te ticu? Te quai a bellu itire nc’ete picca! Sta proposta me pare bona. Però, timme prima comu te chiami ca, quannu chieni me ne porti, t’aggiu canuscire già te lu nume.

  • Chieu suntu Mefistofele, lu tiaulu messaggeru te Luciferu, tiaulu te prima categoria. Chieu tegnu lu potere ddau la giovinezza a ogni cristianu e puru cu li futtu l’anima.

  • Ma comu ete possibile biessi lu tiaulu se nu tieni né le corne, né la cuta e nu feti mancu te nzurfu? – Tisse Mesciu Giuanne cu nu mienzu sorrisettu ca parìa ca ulìa lu piglia pe’ fessa.

  • Sine, suntu lu tiaulu! – tisse Mefistofele nu picchi stizzatu. – Sta me iti comu n’omu, ma suntu nu tiaulu, poi stare sicuro; e poi, nu biti ca stau istutu tuttu te niuru?

  • Mah! – fice Mesciu Giuanne. – A mie, me pari istutu te carniali. Però, se signuria tici ca sinti lu tiaulu, a mie ce me ne futte? Tiaulu o nu tiaulu, basta me tai li sordi e cu te n’ai. Pe’ lu restu poi spunnare a ddhrunca oi!

  • Uhé! – tisse Mefistofele cu nu tiaulu pe’ capiddru. – Ma tie pe’ casu sta me pigli pe’ fessa? Cerca me mosci nu picca te rispettu te cchiui, se no otu lu panaru e me n’au e nu te tau mancu nu centsimu. Ma tie possibile ca te mie nu te mpauri propriu? Hai capitu ci suntu?

  • Sine! Hae quattro fiate ca sta me la tici! Sinti lu tiaulu e meh? E ce boi? Percé m’aggiu mpaurare se oi me inchi te sordi? Ìane bèssire comu a tie tanti te ddhri amici ca sacciu chieu!

  • Beh, va bene! Comunque, l’hai istu stu quadernu russu? – Tisse Mefistofele. – A quai stae scrittu lu contrattu te vendita te l’anima toa. Firmalu e facimu stu pattu ca me n’aggiu scire, tegnu tante aure anime a tintare.

  • Tamme quai, tamme! Pe’ na firma ete tuttu?! Tamme quai cu firmu, ma prima caccia li sordi e… me raccumannu: Nnu turnare prima te li teice anni!

    (continua crai)

LU SCARPARU TE LU TIAULU di Franco Candido

Cap II (Parte C)

  • Comu percene? Ca chieu tutti l’anni aggiu fatta la festa alli Santi Martiri e mo’ st’annu, paru paru, nu tegnu mancu na lira e nu pozzu fare nienzi. Comu l’aggiu cumbinare? E boi te ticu la verità? Me ne rriognu tantu, ca cu nu me ìciane li cristiani e cu nu me tìcane ”te quistu passa”, scusi scusi, me n’aggiu inutu a quai!

  • Puuuhhh! – tisse ntorna quiddhru. – Te quistu se tratta!? Ce si fessa Mesciu Giuanne! E dicune ca si trittu! Sordi oi? E ce problema nc’ete? Dimme quanti ne oi e tanti te ne tau!

  • Teveru? – critàu fiscannu lu Mesciu nosciu, comu sia ca nu nci critìa filu.

  • Sine! Pe’ mie nu nc’é nuddhru problema! Nienzi te cchiù facile! Te ne tau tanti quanti ne oi; tanti cu te bastane pe’ teice anni e pe’ teice anni cu faci sempre feste.

Mesciu Giuanne cuminciàu se fazza attentu ca ddhru discorsu ncignàu li piazza.

  • Teveru sta dici? Ma teveru teveru? – tisse nfilannu le parole una arretu all’aura senza ttuppa.

  • Sine, nu sta scherzu! Te tau quanti sordi oi, però a nu pattu!

  • Timme! Timme! – rispuse iddru.

  • Te tau quanti sordi oi, ma alla fine te li teice anni te n’hai binire cu mmie cu tutta l’anima toa. Hai capitu?

  • E ce te criti ca su scemu? Aggiu capitu! E ci sinti, lu tiaulu? In pratica, t’aggiu bìnnire l’anima! Nu si fessa, no! Nu bete ca oi picchi, poi!

  • Beh, allora? Ce decidi? – fice ntorna lu giovane.

    (continua crai)

LU SCARPARU TE LU TIAULU di Franco Candido

Cap II (Parte B)

  • Mo’, comu facimu Maria? Timme! Secondu tie comu pozzu fare la festa alli Santi Martiri senza mancu nu sordu? – dimmanàu lu Mesciu a muglierasa tuttu scunsulatu.

  • E a mie moi sta me dimmanni, caru lu beddhru miu? Nci bbutu pinsare prima bbai te mbriachi intra la putèa cu ddhri squartapagnotte te li amici toi! – tisse muglierasa cull’occhi te fore. – Mo’ ce boi te fazzu chieu? Mancu li sordi cu mangiamu n’ane rimasti, auru ca oi faci la festa alli Santi Martiri.

  • Quannu la mugliere ferisce te lingua, fore te casa ole te spinga, dicìane l’antichi. E chieu sai ce fazzu, cara la beddhra mia: “Me n’essu cu nu te sentu priticare! Meglio la ripa te lu mare ca cu stau quai me nzurti tie!”

Cussì, Mesciu Giuanne, fore te capu e castimannu intra te iddhru, se ne issìu te casa e se ne scìu spafòra annanzi alla ripa te lu mare, tuttu sulu, cu lu core unchiatu an piettu, passiggiannu sfituciatu, lu sguardu tristu e scunsulatu e tuttu tispiaciutu.

A nu certu puntu, però, mentre stia tuttu attentu cunta le stacce te la spiaggia, tantu fazza na cosa, ntise comu nu scoppiu cupu cupu, comu sia ca inìa te suttaterra, e se giràu tuttu mpauratu cu bìcia ce ìa statu. Itte nu cranne fumu e a mienzu a tuttu ddhru fumu se ccorse te nu giovane ca se friculà l’occhi bìcia megliu. Poi, manu a manu ca lu fumu se perdìa, se ccorse ca ddhru giovane se facìa annanzi e ca oltre tuttu era nu beddhru carusu, ben vestitu, pettinatu alla mota, cu la banana utata sulla parte mancina te la capu; insomma, nu giovane fattu pe’ bitire, ca tìa propriu fitucia.

  • Ehi, Mesciu Giuanne, ce sta faci tuttu sulu annanzi a mare cu st’aria fritta e scunsulata? – Tisse ddhru giovane appena li rriàu a tiru. Mesciu Giuanne lu cuardàu meravigliatu ca nu lu canuscia filu.

  • Cittu! Lassame stare! Ca tie nu sai ce portu an piettu. – rispuse iddhru cu nu filu te uce senza bazza la capu. – Lassame stare ca stau propriu comu li pacci!

  • Ah, sì! – fice ddhru carusu. – E percene?

    (continua crai)