LU SCARPARU TE LU TIAULU di Franco Candido

Cap I (Parte B)

Cussì ficira; dimmanàra permessu e trasera intra casa. La Maria, ddhra santa cristiana, sia ca zumpà pe’ li preci, ca nu bera na cosa te tutti cu tegnane pe’ ospite, te persona, lu Signure te li cieli e San Pietru. Allora, li patruni cunzara banca e purtara an taula ogni bene de Diu, cu certu mieuru te niurumaru, ecchiu te anni, ca Mesciu Giuanne nu ìa mai musciatu a ceddhri, tantu era spiritosu e sapuritu.

San Pietru, nu spiccià se licca li baffi tantu ìa rimastu cuntentu te l’accoglienza ca ìa ricevuta e lu Signore stessu li fice segnu ca fra tutti li cristiani te lu munnu quiddhri tuccà bessane propriu te li megliu e ca, sicuramente, li putìane riservare nu postu speciale an Paratisu. Cussi ddhru Santu Pescatore se decise, zziccàu Mesciu Giuanne sutta razzu, se llargàu nu picca cu nu lu senta lu Signore e li tisse:

– Ehi, Mesciu Giuanne, sai ce fane? L’hai istu st’amicu miu? Cercali la crazia te l’Anima ca quiddhru lu Maestru ete, lu Signore te li cieli. Cercali la crazia te l’Anima, moi ca la poi fare, ca tie n’hai trattati tantu boni ca te meriti lu ricalu cchiù cranne ca te pote tare lu patrunu te lu munnu.

– Ah, sì!? Nah!… Lu Maestru ete?! Mah… Quasi quasi… Sarai ca tici bonu! Va bene! Mo’ ne la cercu. –

E tittu e fattu, Mesciu Giuanne, senza perda tiempu, se nginucchiau, se fice lu segnu te la cruce e, cu na uce timirusa, te umile peccatore, tisse: – Maestru, se pozzu… Na crazia ulìa. –

Lu Signore lu cuardàu, li pigliàu le manu e lu fice azzàre: – Timme! – tisse. – Ce crazia oi? –

Mesciu Giuanne lestu e prontu rispuse:

– Maestru, ulìa na crazia… ca tegnu na seggia… ca ognunu ca se ne serve, se ssetta tantu forte ca, ogni fiata, ae icìnu me la scàscia. Perciò, ulìa ca cinca ae se ssetta, cu nci ncoddhra! –

(continua crai)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s