LU SCARPARU TE LU TIAULU di Franco Candido

CAP II  (Parte A)

Quannu Mesciu Giuanne se ncontràu cu Mefistofele

Dopu ca San Pietru e lu Signore se n’ìane ciuti, Mesciu Giuanne ìa continuato campa comu ìa sempre fattu; fatià comu nu ciucciu pe’ tuttu lu giurnu e se spinnìa quasi tutti li sordi alla sira intra la putèa te mieru te la chiazza cu certi amici soi ca se mintìane d’accordu cu lu pulizzane. Nu bete ca era fessa, ma se sape ca “allu saputu li scalane li causi” e ca ci se crite troppu furbu, troa sempre quarchetunu cchiù furbu te iddhru cu lu fazza fessa.

Tuttu quistu capità ogni giurnu pe’ tuttu l’annu, ma quannu rià lu mumentu giustu, ca se bbicinà lu mese te la ricorrenza te li Santi Martiri, Mesciu Giuanne spiccià te ciucare e se ccuglìa li sordi cu fazza na festa cranne alli cchiù cranni Santi, ca a iddhru cchiui li parìane putenti e bicini allu Signore, percene invece cu rinunciane alla fede cristiana ìane accettatu megliu lu martiriu. E tantu ìa ddintatu tivotu, ca spinnìa tuttu quiddhru ca ìa cuatagnatu intra n’annu pe’ la festa e la facìa tantu cranne ca nvità tuttu lu paise, sinnicu e arciprete annanzi a tutti, e nu nc’ete mancu bisognu cu se tica no? Tutti spittàne bessàne nvitati cu mangiane e cu bìane senza pàcane.

Ddhr’annu però, certi amici soi, se mpattàra e li mìsira te scusi na polverina bianca intra lu mieru. Ddhra polverina li fice fermentare an corpu tuttu lu niurumaru, tantu ca Mesciu Giuanne mpassuddràu prestu prestu, senza mancu se ne ccorga, e quannu se ddiscitàu se itte sulu e senza cchiui nu sordu an pàuta.

(continua crai)

Advertisements

LU SCARPARU TE LU TIAULU di Franco Candido

Cap 1 (Parte H)

  • Beh! – fice lu Signore. – Ma quista ete na fissazione, allora! Ancora cu nci ncoddhrane oi? Mah!… Nu me pari giustu! Comunque, se cussì boi! Se a stu saccu nci tieni propriu tantu… Va bene, te sia concessa puru quista! Mo’ nu te ne curare, ca s’ha fattu tardu e nimu scire!

  • Grazie Signore! Grazie te la infinità bontà ca tieni! – fice lu Mesciu nginucchiannuse fena a nterra.

San Pietru, se passàu le manu an facce cu se fricula l’occhi senza se fazza bitire, tanta era la raggia pe’ ddhru sprecu te grazie ca ìa fatta ddhru cristianu senza cervieddhru. E, intra te iddhru, pinsàu:

– Nu ha mai successu a tutta la storia te l’umanità cu nu li cercane la crazia te l’anima allu Signore, ma stu Mesciu Giuanne ha superatu ogni limite! Eppuru ne l’aggiu titta, m’aggiu raccumannatu, ma sciroccu! Sia ca aggiu parlatu allu chientu!

  • Chieu ticu: l’hai cercate tutte ste grazie e quiddhra te l’anima nu ne l’hai cercata. Mo’ quannu mori hai dhrittu allu nfiernu e tannu itimu ce faci! – li tisse intra li tienti lu purtinaru te lu Paratisu.

  • Beh, va bene! Pe’ moi l’aggiu cercate quiste! – rispuse Mesciu Giuanne, largannu le razze. Te moi a tannu!… Poi, quannu me n’au all’auru munnu se pensa!

  • Ma cuarda quai ce fessa stu Mesciu Giuanne! – tisse ntorna San Pietru mentre se ne turnà an Paradisu cu lu Signore. – Lu Maestru li tae none una, ma tre grazie e quiddhru ddhrai, invece te la crazia te l’anima, ae li cerca le grazie cu ncoddhrane li cristiani allu saccu, allu piru e alla seggia. Nun nci pozzu ancora critire! Cose te pacci! Nu bbete cosa. Quistu propriu nu me la cunta giusta. Nu bbete possibile bessa cussì fessa!

    (Continua crai)

LU SCARPARU TE LU TIAULU di Franco Candido

Cap 1 (Parte G)

  • Meh! Va bene, ah! – Tisse San Pietru, rassegnatu. – Comu la giri giri, troi sempre la ragione bessa la toa. Mo’ iti ce poi fare, iti se te ne face n’aura. Me pare nu picchi difficile, ma nu se sape mai. Dimmannalu lu Signore, ca cu tutta la misericordia ca tene, pote essere ca te perduna e te face n’aura crazia. Cercanneli n’aura, ca me pare propriu ca stae te capu, oci. Ma sta fiata, pe’ amore te Diu, statte attentu a quiddhru ca tici! Cercali la crazia te l’anima e nu parlare né te seggie, né te pire, se no quannu mori allu nfiernu te n’ai! Tine sulamente: Signore famme st’urtima crazia, quannu sarà ca m’hai chiamare, cu me ne porti l’anima an Paratisu. Hai capitu? Cuarda ca quista ete l’ultima ca li poi cercare. Ca suntu già tre crazie; ca una li ale pe’ iddru, una pe’ Sirasa, ca ete puru Sire nosciu, e una pe’ lu Spiritu Santu. Dopo te trete, lu Signore se azza e se n’ae. Perciò statte attentu a ce faci e a ce dici!

  • Sine! Sine, va bene! Aggiu capitu!  Allora, mo’ ne la cercu!

Cussì Mesciu Giuanne ancora cchiù lestu e prontu te l’aure ddo’ fiate tisse:

  • Maestru!…

  • Ehi, Mesciu Giuanne, timme! Ce boi? – rispuse lu Signore.

  • Se é possibile, ulìa n’ultima crazia … – tisse iddhru quetu quetu.

  • Eh! Ce crazia oi ntorna? – Lu ddimmannàu pacinziusu Gesù.

  • Sempre se me la concedi, Signore! – tiràu trittu Mesciu Giuanne. – Tegnu nu saccu ca tutti lu pigliane, ci cu se coglia le ulìe, ci cu nci minta le cose cchiu strause, o pe’ na cosa o pe’ l’aura stu lampu te saccu lu iciu, si e no, la matina quannu me azzu e la sira quannu me curcu, sempre se ci se l’ha pigliatu se ricorda me lu nnuca. Ticu, te pare na cosa giusta quista, cu nu bessu mancu patrunu te lu saccu miu? Cuarda, nah! Tantu hane fattu ca ha tuccatu lu ripezzu! Perciò, Signore miu beddru, famme st’urtima crazia, ca cinca lu piglia cu nci ncoddhra a ddhra nfacce!

    (continua crai)

LU SCARPARU TE LU TIAULU di Franco Candido

Cap 1 (Parte F)

  • e cussì foi ca capìu fae pe’ ciciri, li ottu giurni te posatura, ddintara le fiate ca s’ia bungire allu giurnu, li tthre giurni te riposu te lu nguentu, dintara le ure ca s’ìa friculare ogni fiata, le tre fiate ca s’ìa bungire allu giurnu, ddintàra le simàne ca s’ìa fare ddhru trattamentu e la pinna te caddhrina dintàu n’ala! Perciò quannu tisse a muglierasa cu lu fricula li spiecàu: “iti ca m’hai friculare cu delicatezza e cu nu certu mpegnu per tre simàne, tre ure la fiata, pe’ ottu fiàte allu giurnu e cu n’ala te caddhrina. Iti ca te lu panaru miu se tratta, none te lu tou! Perciò statte ccorta ca se no pigliu na mazza e te le tau comu Diu cumanna.

  • Già e quiddhra cu nu le piglia te maritusa se mpegnau comu mai ìa fattu an vita soa e ne lu rrussicàu bonu bonu comu nu pipitiàulu, ci cu spunna cchiu sutta ca stae! Lu tiàulu ticu! – Tisse San Pietru, tuttu russu an facce.

  • Beh! E mo’ ce boi te mie, se quiddhru s’ìa mbriacatu e nu ìa capitu? Anzi, furtuna comu me inne! Ca ddhru fessa cìu dopu ddo’ giurni a ddhra muglierama, castimannu comu nu turcu, e critàu: “Mesciu Giuanne! Mesciu Giuanne! Chiessi! Moi, hai bissìre! Ca te n’aggiu dire quattru! Chiessi o te ne minu la porta”. E mentre priticà e crità comu li tannati, crattannuse lu panaru comu sia ca la manu era na zappa, tirà cauci alla porta e tafari, ca sìa spellate le ticite. Muglierama, bianca an facce pe’ la paura, issìu addhra fore, ca n’auru picca s’ia fatta subbra e lu ddimmannàu: – Ce bete? Ce ha successu? Mesciu Totu ce boi? Ce bbhai critannu a pacciu?

  • Chiamame marituta ca l’aggiù dire! Ca oci fazzu scinna lu cielu an terra!

  • Poi fare scinnire puru lu sule ca quiddhru nu bene! Ha sciutu alla fera te Galatina cu binna la ciuccia, ca s’ia fatta ecchia, e cu se ccatta nu porciceddhru cu se lu crisca.

  • Ah, sì? Nu nc’ete ? Allora, quannu torna, tilli allu tuttore te marituta, ca iddhru m’ha scunsatu e ca iddhru stessu m’ha ggiustare, ca se lu panaru miu nu torna lisciu lisciu, profumatu e originale comu era prima, li fazzu bitire na cosa ca nu ha mai ista! Tilli ca iddhru m’ha scunsatu e ca iddhru stessu m’ha cunzàre, se no ci sape ce succede! – Allora, hai capitu San Pietru comu cera le cose? Chieu ce centru? Foi iddhru ca se mbriacàu!

    (continua crai)

LU SCARPARU TE LU TIAULU di Franco Candido

Cap 1 (Parte E)

  • Meh?! Comu ce me tisse? Certu ca me ricordu, ma ce c’entra? E ce foi curpa mia? Iddhru me dimmanau e chieu li rispusi! Ca me dispiacìa lu iciu ballare sulla seggia ogni ddo’ minuti cu se cratta lu panaru; me fice perdire tre partite te tressette, una arretu all’aura, ca tuccau pacu te bire a menza putèa.

  • E tie ce beri tottore cu li tai ddhra cura?

  • Comu!? Appena li tissi: “Ma ce tieni le murroiti ca pari spiritatu!” Quiddhru se crise ca ne capìa te certe cose e me chiese nu rimetiu e chieu ce bera senza Diu cu nu ne lu tau? Li ricalài la ricetta te lu Itucciu farmacista, ca ìa truata bbona puru chieu, e comu se priciàu!

  • Ma te quale ricetta sta faetti?! Tine cchiù tostu ca li tiesti nu ntrugliu ca lu quasi ncoppàu. – tisse San Pietru, tuttu russu an facce.

  • Ehhh! Ce sinti esageratu! Li uscàu nu picchi ete veru, ma fose iddhru lu fessa! Eh, lampu! Chieu li tissi: “Intra nu bicchieri cu lu spiritu, minti cinque pipitiàuli pe’ na simana, allu scuru, sutta lu focalire. Poi, alli ottu giurni, culali e minti tuttu intra nu buccaccieddhru. Tienilu n’auru tre giurni allu scuru, sempre sutta lu focalire, ma attentu ca ogni ura l’hai riutare, e alla fine iti ca ddhru spiritu te denta “spiritiàulu”, na miticina mutu potente ca pote fare ballare puru li timoni te lu nfiernu. Ungite matina e sira pe’ tre fiate, ogni fiàta cu na pinna te caddhrina, e biti ca, senza te ne ccorgi, ncigna cu te giova.

  • E ce successe, poi? Tine, meh! – Scattàu San Pietru cu lu tiscitu trittu trittu contru Mesciu Giuanne, quasi ca ulìa lu ncusa te ci sape quale piccatu universale.

  • Ce successe… – disse iddhru sotu sotu. – Successe ca… Quiddru, lu sacristanu ticu, s’ia sculata na damigianetta te niurumaru, una te quiddhre te cinque litri (e poi se lamintà te le murroiti!)

    (continua crai)

LU SCARPARU TE LU TIAULU di Franco Candido

LU SCARPARU TE LU TIAULU du Franco Candido

Cap I (Parte C)

  • Eh! – fice lu Signore. – Addirittura cu nci ncoddhra! Beh, comunque, se cussì boi! Va bene, te sia concessa!

San Pietru lu cuardàu stortu, nu riuscìa cu cricia ca Mesciu Giuanne ìa riuscitu spreca ddhr’occasione unica li cerca la crazia te l’anima allu Signore. Allora, se bbicinàu allu Mesciu e li spiatàu intra la ricchia:

  • Sta biti, quantu nu capisci? Eh, lampu! T’aggiu tittu la crazia te l’anima cu li cerchi, none quiddhra te la seggia. Ce furmine l’hai cercatu? Ce te ne faci te na seggia cu la coddhra? Comunque, mo’ iti ce poi fare, cercanneli n’aura, ca po’ essere stecia te capu te la tecia. Ma sta fiata, pe’ carità, cercali quiddhra te l’anima, nu fare lu fessa!

  • Sine, hai ragione, – rispuse Mesciu Giuanne – su statu propriu pampaciune! Ma timme… tici te veru ca ne li possu cercare n’aura?

  • E lampu, fice San Pietru, ce te pare, ca au ciucannu? Oh! Ca chieu San Pietru suntu! Ce te criti ca possu tire fesserie? Annanzi allu Signore, poi! Cercali n’aura crazia, se oi, ma sbricate, ca sa fattu tardu e nimu scire e la strada ete longa.

  • Sine, va bene! Nu te stizzare! – tisse lu Mesciu senza perda auru tieumpu. Allora, mo’ ne li cercu n’aura!

Cussì se bicinàu allu Signore e cchiù lestu e prontu te prima tisse:

  • Maestru?!

  • Cumanna! Timme! Ce boi? – rispuse lu Signore.

  • Se è possibile, ulìa n’aura crazia… – tisse iddru.

  • Eh, n’aura crazia?! E ce crazia oi? – Lu dimmannàu ntorna Gesù.

  • Sempre se me la concedi, Signore! – tirau trittu Mesciu Giuanne. – Tegnu nu piru, ca stae all’ortu, ca ogni fiata ca rria la stagione te le pire, tutti aune se le ccògliane e furmine se me ne lassane armenu una! Armenu una cu lla saggiu, ticu chieu! Mo’, pe’ crazia, ulìa ca ci ae cu se le piglia le pire, cu nci ncoddhra a ddhra nfacce, comu nu fessa!

    (continua crai)